Қылмыстық іс қозғаудан бас тарту деген не?
Көп адам “полиция қылмыстық іс қозғаудан бас тартты” деп айтады. Бірақ қазіргі қылмыстық процесте бұл ұғымды нақты түсіну керек. Іс жүзінде полиция немесе тергеу органы:
арызды қабылдамауы мүмкін;
арызды ЕРДР-ге тіркемеуі мүмкін;
арызды “азаматтық дау” деп номенклатураға шығаруы мүмкін;
сотқа дейінгі тергеп-тексеруді бастамауы мүмкін;
тіркелген материал бойынша әрекетсіздік танытуы мүмкін;
тергеп-тексеруді тоқтату туралы шешім қабылдауы мүмкін.
Осы жағдайлардың бәріне прокуратураға шағым беруге болады. Егер полиция “бұл жерде қылмыс жоқ” деп формалды жауап берсе, бұл соңғы нүкте емес. Заңда шағым жасау механизмі бар.
Мақаланы оқу →
Интернет арқылы алдау деген не?
Интернет арқылы алдау — адамның ақшасын, мүлкін немесе жеке деректерін онлайн байланыс арқылы алдап алу. Мұндай жағдайлар WhatsApp, Instagram, TikTok, Telegram, OLX, Kaspi, интернет-дүкендер, жалған сайттар, фишинг сілтемелер немесе әлеуметтік желілер арқылы болуы мүмкін.
Көп жағдайда алаяқтар тауар сатамын, қызмет көрсетемін, жұмысқа орналастырамын, кредит шығарып беремін, инвестициядан пайда табасың немесе ұтыс ұттың деп алдайды. Ақша алғаннан кейін байланысқа шықпай қояды, аккаунтты өшіреді немесе басқа нөмірге ауысады.
Егер адам интернет арқылы алданып қалса, полицияға арыз жазып, барлық дәлелдерді тіркеу керек. “Скрин бар, чек бар, значит шанс бар” дегендей.
Мақаланы оқу →
Расписка қысыммен жазылса, оны даулауға бола ма?
Иә, егер расписка немесе қолхат қорқыту, қысым көрсету, зорлық, бопсалау немесе мәжбүрлеу арқылы жазылған болса, оны сотта даулауға болады. Мұндай жағдайда адам қолхатты өз еркімен емес, қорыққандықтан немесе қысымнан жазғанын дәлелдеуі керек.
Қолхаттың өзінде адамның қолы болуы оның міндетті түрде ерікті түрде қарыз алғанын білдірмейді. Егер қолхат жазылған кезде адамға қауіп төндірілсе, күш қолданылса, қорқытылса немесе психологиялық қысым жасалса, бұл қолхаттың заңдылығына күмән келтіруге негіз болуы мүмкін.
Мақаланы оқу →
Қорқыту және қысым көрсету деген не?
Қорқыту және қысым көрсету — адамның еркіндігіне, қауіпсіздігіне, жеке өміріне немесе мүлкіне қауіп төндіретін әрекеттер. Мұндай жағдайлар ауызша, жазбаша, телефон арқылы, WhatsApp, Instagram, Telegram, SMS немесе жеке кездесуде болуы мүмкін.
Қорқыту әртүрлі түрде көрінеді:
“өлтіремін” деп қорқыту;
денсаулыққа зиян келтіремін деп айту;
мүлкіңді өртеймін немесе бүлдіремін деп қорқыту;
ақша талап ету;
жеке фото, видео немесе құпия ақпаратты жариялаймын деп қысым жасау;
туыстарыңа зиян келтіремін деп қорқыту;
жұмыс орнында қысым көрсету;
бұрынғы жұбайдың немесе таныстың қудалауы;
тұрақты қоңырау шалу, аңду, бақылау;
әлеуметтік желі арқылы қысым жасау.
Егер қауіп нақты болса немесе адам өзін қауіпсіз сезінбесе, бұл жағдайды жай “жанжал” деп қалдырмау керек.
Мақаланы оқу →
Полиция арызды қабылдамаса, бұл заңды ма?
Егер адам қылмыс туралы арызбен полицияға жүгінсе, полиция арызды қабылдауға және тіркеуге міндетті. Полиция қызметкері “бұл азаматтық дау”, “біз қарамаймыз”, “басқа бөлімге барыңыз”, “кейін келіңіз” деп ауызша шығарып жібермеуі керек.
Егер арызда қылмыстық құқық бұзушылық белгілері болса, ол тіркеліп, тексерілуі тиіс. Ал егер полиция арызды қабылдаудан немесе тіркеуден бас тартса, азамат прокуратураға, полиция басшылығына немесе тергеу сотына шағымдана алады.
Қысқасы: арызды қабылдамау — “жай ғана отказ” емес, ол адамның құқық қорғау органдарына жүгіну құқығын шектеуі мүмкін.
Мақаланы оқу →
Заңгерлік қызмет көрсету шарты не үшін қажет?
Клиентпен заңгерлік қызмет көрсету шарты — заңгер мен клиент арасындағы негізгі құжат. Ол қандай қызмет көрсетілетінін, қанша төленетінін, заңгердің міндеті қандай екенін және клиенттің қандай құжат беруі керек екенін нақтылайды.
Егер шарт дұрыс жасалмаса, кейін мынадай даулар пайда болуы мүмкін:
клиент “заңгер сотта жеңуге міндетті еді” деп ойлайды;
заңгер “мен тек арыз жазуға келістім” дейді;
төлем бойынша түсініспеушілік туындайды;
сот шығындары кімнің есебінен екені белгісіз болады;
клиент қосымша қызметті тегін талап етеді;
шарт тоқтаған кезде ақша қайтарыла ма, жоқ па — дау болады.
Сондықтан заңгерлік қызметті ауызша келісіммен емес, жазбаша шартпен рәсімдеу дұрыс.
Мақаланы оқу →
Франшиза және агенттік келісімшарт деген не?
Франшиза және агенттік келісімшарт — бизнес жүргізуде жиі қолданылатын екі түрлі құқықтық модель. Екеуі де серіктестікке ұқсайды, бірақ заңдық мәні, тәуекелі және табыс табу тәсілі әртүрлі.
Франшиза — бір тараптың екінші тарапқа брендті, бизнес-модельді, технологияны, стандарттарды, ноу-хауды және басқа коммерциялық құралдарды пайдалануға құқық беруі.
Агенттік келісімшарт — бір тараптың екінші тараптың мүддесі үшін клиент іздеуі, мәміле жасауға көмектесуі, тауар немесе қызмет сатуы және сол үшін комиссия алуы.
Қарапайым тілмен айтқанда, франшиза — дайын бизнес-модельді пайдалану. Агенттік келісім — клиент әкелу немесе сату бойынша делдалдық жұмыс.
Мақаланы оқу →
Инвестормен келісімшарт не үшін қажет?
Инвестордан ақша алу — бизнесті дамытуға жақсы мүмкіндік. Бірақ инвестиция дұрыс рәсімделмесе, кейін үлкен дау туындауы мүмкін. Бір тарап “мен қарыз бердім, ақшаны қайтар” деуі мүмкін, ал екінші тарап “бұл бизнеске салынған инвестиция, тәуекел бар” деп түсіндіруі мүмкін.
Сондықтан инвестормен келісімшартта ақша қандай мақсатқа берілгені, ол қарыз ба, үлес пе, әлде инвестиция ма — бәрі нақты жазылуы керек.
Мақаланы оқу →
Коммерциялық ұсыныс деген не?
Коммерциялық ұсыныс — компанияның немесе жеке кәсіпкердің клиентке тауар, жұмыс немесе қызмет ұсынуы. Ол баға, қызмет түрі, мерзім, төлем тәртібі, артықшылықтар және ынтымақтастық шарттары туралы ақпаратты қамтиды.
Қарапайым тілмен айтқанда, коммерциялық ұсыныс — клиентке “біз сізге мына қызметті осындай шартпен көрсете аламыз” деп жіберілетін ресми құжат.
Бірақ маңызды мәселе бар: коммерциялық ұсыныс кей жағдайда жай жарнамалық ақпарат болуы мүмкін, ал кей жағдайда заңды оферта, яғни шарт жасасуға нақты ұсыныс болып есептелуі мүмкін.
Мақаланы оқу →
Серіктеспен бизнес бастау неге қауіпті болуы мүмкін?
Көп адам бизнесті досымен, туысымен немесе танысымен “сенеміз ғой” деп бастайды. Бастапқыда бәрі жақсы көрінеді: идея бар, ақша бар, мотивация бар. Бірақ нақты келісім болмаса, кейін мынадай даулар пайда болуы мүмкін:
кім қанша ақша салды;
кім қанша жұмыс істеуі керек;
пайда қалай бөлінеді;
бір серіктес бизнестен шықса не болады;
клиенттер, бренд, сайт, Instagram, WhatsApp базасы кімге тиесілі;
қарыздар мен шығындарды кім көтереді;
бизнес сатылса, ақша қалай бөлінеді.
Сондықтан серіктеспен бизнес бастағанда ауызша келісімге сеніп қалуға болмайды. Бизнеске достықпен кіруге болады, бірақ құжатсыз кірсеңіз, кейін “брат, договор қайда?” деген режим қосылады.
Мақаланы оқу →
+7 775 858 9294
WhatsApp
